Pavel Landovský

لە ویکیپیدیا، ئینسایکلۆپیدیای ئازاد پاڤێل لاندڤسکی (١١ی ئەیلوولی ١٩٣٦ - ١٠ی تشرینی یەکەمی ٢٠١٤) ئەکتەر و شانۆنامەنووس و دەرهێنەری چیک بووە. ئەو کەسێکی ناڕازی دیار بوو لە سەردەمی ڕژێمی کۆمۆنیستی چیکۆسلۆڤاکیای پێشوودا. لاندۆڤسکی لە شاری نامێکی برۆد لەدایک بووە و لە فاکەڵتی شانۆ لە پراگ خوێندوویەتی و دواتر لە شانۆی ناوچەیی لە شاری تێپلیس، شومپەرک، کلاتۆڤی و پاردوبیچ ڕۆڵی گێڕاوە. یەکەم شانۆنامەی کە نووسیویەتی، Hodinový hoteliér، بۆ یەکەمجار لە شانۆی Činoherní لە 11ی ئایاری 1969 نمایشکرا، لە ساڵی 1971 ڕژێمی کۆمۆنیستی فیلم و تەلەفزیۆنی قەدەغە کرد. لە یانەی دراما و شانۆکانی دیکە بەردەوام بوو لە نواندن. لاندۆڤسکی یەکێک بوو لە دەستپێشخەرانی داواکاری مافی مرۆڤی میساقی ٧٧، دواتر کارکردنی لە شانۆکەدا قەدەغە کرا. بەردەوام لەلایەن پۆلیسی نهێنی ەوە هەراسان دەکرا، لە زستانی ساڵانی ١٩٧٨-١٩٧٩، لاندۆڤسکی شەوانە لەلایەن بریکارێکەوە هێرشی کرایە سەر و بە توندی لێیدرا و قاچی شکا. هەستی بە ناچاری کرد کە بۆ سەلامەتی خۆی بڕوات، کاتێک پۆستێکی لە ئەنسەمبڵی شانۆی بورگ لە ڤیەنا لە نەمسا پێشنیار کرا، قبوڵی کرد. دوای شۆڕشی مەخمەلی لە ساڵی ١٩٨٩، توانی لە مانگی یەکی ساڵی ١٩٩٠ بگەڕێتەوە پراگ، لەوێ توانی جارێکی دیکە ڕۆڵی تێدا ببینێتەوە، ڕۆڵی یەکێک لە کارەکتەرە سەرەکییەکانی شانۆنامەی بینەر لە یانەی چینۆهێرنی ببینێت - شانۆگەرییەک کە ١٦ ساڵ پێشتر لەلایەن هاوڕێکەی ڤاکلاڤ هاڤێلەوە نووسراوە، و بەم دواییە وەک سەرۆکی ئەوکاتەی چیکۆسلۆڤاکیا هەڵبژێردرابوو. شانۆنامەکە لە دەرهێنانی جیری مێنزێل بووە. لە ١٠ی تشرینی یەکەمی ٢٠١٤ بەهۆی جەڵتەی دڵەوە لە شاری کیتین لە تەمەنی ٧٨ ساڵیدا کۆچی دوایی کرد.