Meg Tilly

مێگ تیلی لەدایکبووی مارگرێت ئەلیزابێس چان؛ ١٤ی شوباتی ١٩٦٠، ئەکتەر و ڕۆماننووسێکی کەنەدی-ئەمریکییە. بەهۆی ڕۆڵی لە فیلمی ئەگنێس ئۆف خودا لە ساڵی ١٩٨٥ خەڵاتی گۆڵدن گڵۆبی بەدەستهێنا و پاڵێوراو بوو بۆ خەڵاتی ئۆسکار بۆ باشترین ئەکتەری پاڵپشت. بەهۆی ڕۆڵی لە زنجیرە تەلەفزیۆنییەکەی کچانی بۆمب (٢٠١٢-١٣)، خەڵاتی شاشەی کەنەدی بۆ باشترین ئەکتەری سەرەکی لە زنجیرە درامایەکدا لە ساڵی ٢٠١٣ بەدەستهێنا. هەروەها تیلی شەش ڕۆمانی نووسیوە، لەنێویاندا پۆرکوپین (٢٠٠٧) کە بەشداری کۆتایی خەڵاتی ئەدەبیاتی منداڵانی شیلا ئەی ئیگۆف بووە. خوشکی بچووکی خانمە ئەکتەر جێنیفر تیلییە.