Marie Cardinal

ماری کاردیناڵ (لەدایکبووی سیمۆن ئۆدێت ماری تێرێز کاردیناڵ؛ ٩ی ئازاری ١٩٢٩ – ٩ی ئایاری ٢٠٠١) ڕۆماننووسێکی فەرەنسی و ناوبەناو ئەکتەرە. کاردیناڵ لە وڵاتی جەزائیری فەرەنسی لەدایک بووە و خوشکی دەرهێنەری سینەما پیێر کاردیناڵ بووە. بڕوانامەی فەلسەفەی لە سۆربۆن وەرگرتووە و لە ساڵی ١٩٥٣ لەگەڵ شانۆنامەنووس و ئەکتەر و دەرهێنەری فەرەنسی ژان پیێر ڕۆنفارد هاوسەرگیری کردووە. سێ منداڵیان بوو؛ ئەلیس و بینۆیت و بینیدیکت. لە ساڵی ١٩٥٣ تا ١٩٦٠ لە قوتابخانەکانی سالۆنیکا، لیسبۆن، ڤیەنا و مۆنتریال وانەبێژی فەلسەفە بووە. کاردیناڵ یەکەم ڕۆمانی خۆی بە ناوی ئیکۆتیز لا مێر (گوێ لە دەریا بگرە) لە ساڵی ١٩٦٢ بڵاوکردەوە، لە ساڵانی شەستەکاندا سێ ڕۆمانی دیکەی بڵاوکردەوە و هەروەها پەیوەندی بە فیلمەکانەوە هەبوو. لە ساڵی ١٩٦٧ ڕۆڵی لە فیلمی Deux Ou Trois Choses Que Je Sais D'elle ی ژان لوک گۆداردا هەبووە و ڕۆڵی لەبیرنەکراوی دایکی مۆشێت لە فیلمی Mouchette ی ڕۆبەرت بریسۆن بینیوە. لە ساڵی ١٩٧٢ کاردیناڵ کتێبی (کلیلی دەرگا)ی بڵاوکردەوە، دواتر Les Mots Pour Le Dire (وشەکانی وتنی) لە ساڵی ١٩٧٥؛ ئەم دوو ڕۆمانە پڕفرۆشترین ڕۆمان بوون و ناوبانگی ئەویان دامەزراند. Les Mots Pour Le Dire یەکەم کتێبی کاردیناڵ بوو کە لە ئەمریکا چاپکرا. سەرچاوە: بابەتی "ماری کاردیناڵ" لە ویکیپیدیا بە زمانی ئینگلیزی، مۆڵەتی بەپێی CC-BY-SA 3.0.